بلوچ سٹوڈنٹ کونسل اسلام آباد
بلوچستان اسٹوڈنٹ کونسل اسلام آباد کے مرکزی ترجمان نے اپنے جاری کردہ بیان میں کہا ہے کہ ڈائریکٹوریٹ اور لائیوسٹاک آفبلوچستان کی طرف سے بلوچستان کی مختص شدہ سیٹوں پر ٹیسٹ سے لے کر رزلٹ ایشو کرنے تک تاخیر کی گئی. جسکی وجہ سےسینکڑوں طلباء و طالبات کا مستقبل داؤ پر لگا ہے۔
بلوچستان میں تباہ شدہ تعلیمی نظام اور یونیورسٹی کیمپسز کی میلٹرئ زیشن کو دیکھتے ہوئے بلوچستان سے ہزاروں طلباء ہر سالحصولِ تعلیم کیلئے مختلف صوبوں کا رُخ کرتے ہیں۔ حکومت کی طرف سے بلوچستان کے طلباء و طالبات کے لیے پنجاب اور وفاق کیمختلف جامعات میں سیٹیں مختص کی تھیں۔ جو کہ ایک سسٹم کے تحت چلا آ رہا تھا، مگر اس بار جان بوجھ کر ٹیسٹ سے لیکررزلٹ ایشو کرنے میں تاخیر کی گئی، جس کی وجہ بہت سی یونیورسٹیز کے مڈ ٹرم امتحانات گزر چکے ہیں اور فائنل ٹرم آنے کو ہیں،مگر ابھی تک مختص شدہ سیٹوں پر صاف شفاف سلیکشن نہیں کی گئی۔ جس کی وجہ سے بہت سی یونیورسٹیز نے داخلہ دینے سےمنع کر دیا ہے چاہے وہ بی ایس پروگرام ہو، ماسٹر پروگرام ہو، یا کہ پانچواں سمسٹر ہو۔ وومن یونیورسٹی ملتان اور بی زیڈ یو ملتانمیں سو کے قریب اور اس کے علاوہ پنجاب بھر کی جامعات میں بلوچستان کی مختص شدہ ریزرو سیٹیں ہیں۔ جن پر بلوچستان کےغریب طلباء وطالبات ٹیسٹ پاس کر کے آتے ہیں مگر اس بار میرٹ میں بے ضابطگیوں کی وجہ سے بہت سے طلباء و طالبات کا سالضائع ہورہا ہے۔ اس کے علاوہ ڈی وی ایم کے طلبہ کا بھی یہی حال ہے۔جن کو مڈ ٹرم گزر جانے کے بعد یعنی سمسٹر کے اختتام پر سلیکٹ کیا جاتاہے۔ جس کی وجہ سے یا تو جامعہ (یونیورسٹیز) اُن کو داخلہ دینے سے منع کرتی ہے، اگر داخلہ مل بھی جائے تو سمسٹر ضائع ہوتاہے۔
ترجمان نے اپنے بیان کی آخر میں کہاں ہے بلوچستان کی مختص شدہ نشستوں پر سلیکٹ ہونے والے تمام طلباء و طالبات کے مسائل کاجلد از جلد حل نکالا جائے۔ اگر بلوچستان کے طلباء کے مسائل کا حل نہیں نکالا گیا تو بلوچ اسٹوڈنٹ کونسل اسلام آباد بلوچ طلباء وطلبات کے حقوق اور تعلیم کی خاطر بھرپور آواز اُٹھانے کی تمام آئینی و قانونی حق محفوظ رکھتی ہے۔